رحيم  : ادخلى غيرى الفستان يا عروسة 

دخلت ريم الاوضة و هى مكسوفة و مبسوطة و جواها مشاعر مختلفة و عكس بعض 

و لكن فجأة اول ما دخلت الاوضة لقيت حماتها قاعدة على السرير و مبتسمة ابتسامة فيها نصر و خبث 

حماتها (كريمة ) : مالك يا حبيبتى خايفة ليه أنا زى ماما هساعدك تغيرى الفستان يا حبيبتى 

ريم فضلت واقفة و هى مش عارفة تقول ايه و ايه الموقف اللى هى فيه يعنى ايه اللى  يخلى حماتها تكون موجودة فى اوضة نومها ليلة د*خلتها 

كريمة و هى بتقرب من ريم علشان تساعدها تغير لبسها 

هنا ريم ثارت و عضبت جدا 

ريم : رحيييييييم رحيييييييييم 

رحيم دخل فى حالة من الزعر : ريم انتى كويسة 

ريم نظرت لوالدته ثم نظرتله فى حرج من الموقف 

رحيم ببرود  : مالك يا ريم فى ايه يا ماما 

كريمة : معرفش يا رحيم أنا قولت ادخل اساعدها تغير الفستان و الطرحة اكيد مش هتعرف تعمل كده لوحدها

رحيم : مالك يا ريم 

ريم بهدوء و بتحاول تحل الموقف : طنط أنا مش متعودة حد يساعدني فى اللبس معلش 

كريمة : انا زي ماما حد يتكسف من ماما برده يا ريم 

ريم بتبص لرحيم اللى واقف بارد جدا و عادى 

ريم : اظن يا طنط أن فى شوية خصوصية ليا أنا و جوزى فى بيتنا 

كريمة : من اولها كده يا مرات ابنى انت ساكت يا رحيم و شايفها برتفع صوتها على امك من اول يوم ليها هنا فى البيت أنا غلطانة اعتبرتك بنت من بناتى و قولت علشان اخفف عنك توتر اليوم و اساعدك ليه المعاملة ديه يا بنتى و تنصعت البكاء و طلعت من الاوضة بغضب 

ريم : يا طنط لحظة حضرتك فهمتى غلط يا طنط يا طنط 

و لكن كريمة طلعت بيتها و هى تبتسم بخبث 

رحيم : انتى ازاى تعاملى والدتى كده 

ريم : و هو طبيعى يا رحيم ادخل اوضة نومى القى حد وقفلى فيها 

رحيم : ماما مش حد غريب و كانت قصدها تساعدك و بعدين ديه ست زيك انتى مكبرة الموضوع و بعدين ماما متعودة على كده مع مراتات اخواتى هما مش زيك 

ريم بصتله بصدمة هو ده رحيم حبيبى و اللى فضلت مستنيها ٦ سنين علشان نتجوز لاول مرة تحس انها متعرفوش و لكن رجعت قالت طالما بيحب ماماته ديه حاجة كويسة و اللى ملوش خير فى اهله يعنى 

ريم خرجت لرحيم الصالة لانه كان زعلان 

ريم : أنا اسفة يا رحيم 

فجأة بدون اى مقدمات رحيم ...

ريم و الدموع فى عيونها 

يتبع ... 

تابعى صفحتنا على الفيسبوك عشان تبقى اول واحدة تقرأ البارت اول ما ينزل

صفحتنا على الفيسبوك من هنا